David Ornstein hjá Athletic greinir frá því í dag að nýliðar Burnley séu að festa kaup á franska miðjumanninum Lesley Ugochukwu frá Chelsea.
Þetta verður þriðji leikmaðurinn sem Burnley sækir frá Chelsea, en framherjinn Armando Broja er einnig að ganga í raðir félagsins fyrir 20 milljónir punda og þá kom Bashir Humphreys fyrr í glugganum eftir að hafa verið á láni hjá félaginu á síðustu leiktíð.
Ugochukwu er 21 árs gamall alhliða miðjumaður sem lék á láni hjá Southampton á síðustu leiktíð.
Hann er á leið í læknisskoðun hjá Burnley og mun í kjölfarið skrifa undir fimm ára samning en kaupverðið kemur ekki fram.
Burnley hefur verið duglegt á markaðnum í sumar en það hefur fengið níu leikmenn og bráðum ellefu þegar Broja og Ugochukwu ganga frá skiptum sínum.
Athugasemdir
