Fenerbahce vill Rashford - Ætla ekki að selja Gakpo

Fenerbahce er tilbúið að greiða væna summu til að fá enska framherjann Marcus Rashford (28) frá Manchester United í sumar. (The Sun)

Fílabeinsstrendingurinn Yan Diomande (19) mun ekki taka þátt í æfingaferð RB Leipzig á undirbúningstímabilinu. Hann hefur verið sterklega orðaður við Real Madrid en Leipzig setur 130 milljóna evra verðmiða á kantmanninn. (The Athletic)

Arsenal hefur hafið viðræður við Newcastle um kaup á brasilíska miðjumanninum Bruno Guimaraes (28). Lundúnaliðið vonast til að klófesta hann fyrir 70 til 80 milljónir punda. (The Telegraph)

PSG leggur aukið kapp á að sækja Ferran Torres (26) frá Barcelona en félögin eru í viðræðum. (Fichajes)

Liverpool hefur engin áform um að selja hollenska sóknarmanninn Cody Gakpo (27), þrátt fyrir áhuga Tottenham. (Daily Mail)

Þá ætlar Sunderland ekki að selja sóknarmanninn Wilson Isidor (25) í sumar, þrátt fyrir áhuga margra félaga, þar á meðal West Ham. (Sky Sports)

Þýski markvörðurinn Marc-Andre ter Stegen (34) er á leið til Ajax á eins árs láni frá Barcelona. (Sport)

Aston Villa undirbýr 30 milljóna punda tilboð í spænska miðjumanninn Marc Bernal (19), leikmann Barcelona. (The Sun)

Roma hefur sýnt brasilíska framherjanum Endrick (20) hjá Real Madrid áhuga. (Fichajes)

Coventry er á meðal þriggja úrvalsdeildarfélaga sem vilja fá úkraínska kantmanninn Mykhailo Mudryk (25) frá Chelsea sem losnaði úr lyfjabanni fyrir helgi. (Daily Mail)

Nýliðarnir þrír, Hull, Ipswich og Coventry, hafa áhuga á enska miðjumanninum Tim Iroegbunam (23), leikmanni Everton. (Teamtalk)

Man Utd hefur tjáð enska miðjumanninum Toby Collyer (22) að hann megi yfirgefa félagið í sumar. Nokkur lið í ensku B-deildinni hafa áhuga á honum. (The Sun)

Tottenham er við það að lána enska kantmanninn Mikey Moore (18) til þýska félagsins Köln. (Teamtalk)