Fleiri lönd draga stuðning við Infantino til baka

„Mistök sem nýlega hafa átt sér stað varðandi stjórnarhætti, verkferla, forystu, gildi, samskipti við hagsmunaaðila, upplýsingamiðlun og skynsamlega dómgreind hafa leitt til þess að Infantino nýtur ekki lengur trausts velska sambandsins til að standa í brúnni í alþjóðlegum fótbolta. Að setja ekki hagsmuni fótboltans í fyrsta sæti eru mistök sem við getum ekki sætt okkur við," sagði í yfirlýsingu Wales.

Victor Montagliani, forseti Concacaf, þykir samkvæmt Guardian líklegastur til að taka við af Infantino ef hann verður látinn víkja. Talið er að Montagliani sé sammála forystum evrópska sambandsins UEFA og asíska sambandsins um að þörf sé á nýrri forystu hjá FIFA.