Kantmaðurinn knái, sem hefur áður leikið fyrir Aston Villa, Everton, Lille og Ajax, kom aðeins við sögu í þremur leikjum með Mainz áður en félagið ákvað að rifta samningi hans vegna færslu á samfélagsmiðlum.

Í færslunni studdi El Ghazi við Palestínu í átökunum sem eru í gangi við landamæri Ísrael og Palestínu, en sú færsla fór ekki vel í stjórnendur Mainz.

   27.10.2023 14:09

Mainz riftir samningi við El Ghazi eftir að hann lýsti yfir stuðningi við Palestínu

El Ghazi baðst afsökunar á færslunni og útskýrði sína stöðu í málinu. Hann fékk leyfi til að snúa aftur til Mainz eftir samtal við félagið, en nú hefur það leyfi verið dregið til baka eftir aðra færslu á samfélagsmiðlum.

   31.10.2023 08:00

El Ghazi má snúa aftur til Mainz

El Ghazi getur ekki legið á þessari skoðun sinni og ætlar ekki að spila fyrir fótboltafélag sem er tilbúið til að refsa leikmönnum sínum fyrir að hafa öðruvísi pólitískar skoðanir.

„Stattu fyrir það sem er rétt, þó að þú þurfir að standa einn," segir meðal annars í færslu El Ghazi, þar sem hann vitnar í höfundinn og ljóðskáldið Suzy Kassem.

„Þetta tap mitt á mínu lífsviðurværi er ekkert samanborið við helvítið sem sakleysingjarnir á Gaza þurfa að þola á hverjum degi. #hættiðmorðunum."