Fotbolti.net
04.12.15 - 15:26
Magnús Már Einarsson

Real Madrid hent úr spænska konungsbikarnum (Staðfest)

Rafa Benitez tekur Cheryshev af velli.

Rafa Benitez tekur Cheryshev af velli.

Canon

Mynd: Getty Images

Real Madrid hefur verið hent úr spænska konungsbikarnum fyrir að nota ólöglegan leikmann.
Leikmaðurinn sem um ræðir er Denis Cheryshev en hann skoraði í 3-1 sigri á Cadiz í fyrri leik liðanna í 32-liða úrslitum í vikunni. Þessi rússneski kantmaður átti enn eftir að taka út leikbann frá því á síðustu leiktíð og var því ólöglegur í leiknum.

Cheryshev var á láni hjá Villarreal á síðustu leiktíð og fékk þrjú gul spjöld í spænska bikarnum sem þýðir leikbann.

Síðasta gula spjaldið fékk hann í undanúrslitaleik gegn Barcelona á síðustu leiktíð þar sem Villarreal féll úr leik og tók hann því ekki út bannið á síðustu leiktíð.

Rafael Benitez, þjálfari Real Madrid áttaði sig á mistökunum á meðan leiknum stóð því hann tók Cheryshev af velli í hálfleik.

Það var hins vegar of seint og Real Madrid hefur nú verið hent úr leik í spænska bikarnum á meðan Cadiz fer beint áfram í 16-liða úrsit.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.