Fotbolti.net
04.12.15 - 14:51
Magnús Már Einarsson

Rúna Sif í Val (Staðfest)

Rúna Sif Stefánsdóttir.

Rúna Sif Stefánsdóttir.

Canon

Mynd: Fótbolti.net - Hafliði Breiðfjörð

Kvennaboltinn
Rúna Sif Stefánsdóttir hefur gengið til liðs við Val en hún kemur til félagsins frá Stjörnunni.

Rúna Sif á alls 182 meistaraflokksleiki að baki og hefur skorað í þeim 48 mörk.

„Rúna Sif er sóknarsinnaður leikmaður með mikla reynslu sem mun nýtast vel á komandi tímabili,\" segir á heimasíðu Vals.

„Knattspyrnudeild Vals lýsir mikilli ánægju með að fá Rúnu Sif til félagsins vonar að hún styrki spennandi lið mfl.kvenna enn frekar.\"

Rúna mun leika á gervigrasinu á Hlíðarenda með Val næsta sumar. „Ég er mikil gervigrasmanneskja og var mjög ánægð með þessa ákvörðun að skipta í gervigras,\" sagði Rúna í viðtali við Ragnar Vignir á heimasíðu Vals.

Hér að neðan má sjá viðtalið í heild sinni en þar er einnig rætt við Ólaf Brynjólfsson þjálfara Vals.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.