Í kvöld fer fram nágrannaslagur Herthu og Union Berlin í þýsku Bundesliga.

Nú er hálfleikur og leiða gestirnir í Union með einu marki. Markið skoraði Taiwo Awoniyi eftir undirbúning Marcus Ingvartsen á 20. mínútu. En á 23. mínútu misstu gestirnir mann af velli.

Robert Andrich fór mjög hátt með fótinn þegar hann reyndi að ná í boltann og ekki vildi betur en svo að hann fór ofan á herðar Lucas Tousart og í höfuð Frakkans. Atvikið var skoðað í VAR og uppskar Andrich rauða spjaldið.