Fotbolti.net
05.05.22 - 06:00
Brynjar Ingi Erluson

WBA kaupir Molumby frá Brighton (Staðfest) - Carroll ekki áfram

Jayson Molumby í leik með WBA

Jayson Molumby í leik með WBA

Canon

Mynd: Getty Images

Enska B-deildarfélagið WBA hefur gengið frá kaupum á írska miðjumanninum Jayson Molumby og gerir því skipti sín varanleg eftir að hafa verið á láni hjá félaginu á þessari leiktíð.
Molumby, sem er 22 ára gamall, er uppalinn í Brighton en tókst aðeins að spila fimm leiki fyrir aðallið félagsins á tíma sínum þar.

Hann var lánaður til WBA í ágúst á síðasta ári og spilaði 30 leiki í ensku B-deildinni ásamt því að skora eitt mark.

Nú hefur WBA fest kaup á miðjumanninum og gerir hann þriggja ára samning við félagið.

Enski framherjinn Andy Carroll verður hins vegar ekki áfram hjá WBA en félagið ákvað að bjóða honum ekki nýjan samning. Hann skoraði þrjú mörk í fimmtán leikjum síðan hann skrifaði undir samning við félagið í byrjun árs en Steve Bruce, stjóri liðsins, vill frekar styrkja aðrar stöður.

WBA er í 10. sæti B-deildarinnar þegar einn leikur er eftir af tímabilinu og á ekki möguleika á umspilssæti.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.