Sky Sports greinir frá því að Middlesbrough hafnaði kauptilboði frá Everton í miðjumanninn eftirsótta Hayden Hackney.
Ekkert kaupverð er gefið upp en Sky segir að það hafi munað miklu á verðmati félaganna á leikmanninum.
Everton, Tottenham, Nottingham Forest og Crystal Palace eru meðal félagsliða sem hafa verið orðuð við Hackney, sem varð Evrópumeistari með U21 landsliði Englands í fyrra.
Hackney er 23 ára gamall og aðeins með eitt ár eftir af samningi, en talið er að Middlesbrough vilji fá um 20 milljónir punda fyrir hann.
04.06.2026 18:00
Everton bætist við kappið um Hackney




