Real Sociedad hefur fengið Martin Ödegaard á láni frá Real Madrid út þetta tímabil.
Ödegaard þótti á sínum tíma mesta efni evrópskrar knattspyrnu og var keyptur til Real Madrid árið 2015. Hann er tvítugur og hefur aðeins komið við sögu í tveimur keppnisleikjum með Real Madrid.
Hann spilaði 43 leiki þegar hann var lánaður til Heerenveen í eitt og hálft tímabil og sprakk svo út hjá Vitesse Arnhem á síðasta tímabili. Þar gerði hann 11 mörk í 37 leikjum á síðasta tímabili.
Ödegaard verður 21 árs í desember en hann á 18 leiki að baki fyrir A-landslið Noregs.
Real Sociedad endaði í 9. sæti La Liga í vor og tekur því ekki þátt í Evrópukeppni á komandi tímabili. Adnan Januzaj, Willian Jose og Asier Illarramendi eru meðal leikmanna félagsins.
COMUNICADO OFICIAL: Acuerdo con el @realmadrid para la cesión de @martinio98 por una temporada #OngiEtorriOdegaard #AurreraReala #RealSociedad 💙⚪️⬇️ https://t.co/z71jKrnabe
— Real Sociedad Fútbol (@RealSociedad) July 5, 2019
Athugasemdir