Wolves borgar 35 milljónir punda fyrir Silva sem kemur frá Porto.

Silva er aðeins 18 ára gamall. Hann er mjög efnilegur og skoraði þrisvar í átján leikjum með Porto á síðustu leiktíð. Hann er lykilmaður í yngri landsliðum Portúgala og hefur skorað 17 mörk í 37 leikjum.

Silva gerði góða hluti í Meistaradeild unglingaliða á síðustu leiktíð þar sem hann skoraði fimm mörk og lagði upp fjögur í 9 leikjum.

Stjórnarformaður Wolves, Jeff Shi, segir að njósnarar félagsins hafi fylgst með Silva frá því hann var í U16 liði Porto. Nú eru hvorki meira né minna en tíu Portúgalar í leikmannahópi Wolves.

Áður en Wolves keypti Silva var Raul Jimenez dýrastur í sögu félagsins en hann kostaði 30 milljónir punda.