Fotbolti.net
05.10.20 - 21:39
Guðmundur Aðalsteinn Ásgeirsson

Daníel Leó í Blackpool (Staðfest)

Daníel Leó í Blackpool (Staðfest)
Canon

Mynd: Fótbolti.net - Hafliði Breiðfjörð

Varnarmaðurinn Daníel Leó Grétarsson hefur yfirgefið herbúðir Álasunds í Noregi og samið við Blackpool í Englandi.
Daníel Leó skrifar undir tveggja ára samning hjá Blackpool, sem er í C-deild á Englandi.

Hinn 25 ára gamli Daníel Leó hefur spilað með Álasundi frá 2015 og gert frábæra hluti fyrir félagið, en núna tekur hann sitt næsta skref á ferlinum. Næsta skref hans verður tekið í hörkunni á Englandi.

Daníel Leó er miðvörður sem er uppalinn í Grindavík. Hann á einn A-landsleik að baki.

Hann er annar íslenski leikmaðurinn sem yfirgefur Álasund í dag. Hólmbert Aron Friðjónsson fór til Brescia á Ítalíu. Davíð Kristján Ólafsson er núna eini Íslendingurinn sem eftir er hjá Álasundi, botnliði norsku úrvalsdeildarinnar.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.