06.01.16 - 17:31
Elvar Geir Magnússon
Grosskreutz til Stuttgart (Staðfest)


Mynd: Getty Images


Mynd: Getty Images

Stuttgart hefur gengið frá kaupum á Kevin Grosskreutz frá Galatasaray. Grosskreutz gekk í raðir Gala frá Borussia Dortmund í september en tyrknesku meistararnir gátu ekki skráð hann fyrr en í janúar eftir að hafa mistekist að ganga frá pappírsmálum fyrir lok tyrkneska gluggans.
Tyrkneska félagið áfrýjaði niðurstöðu FIFA en tapaði málinu og Grosskreutz snýr nú aftur í þýsku deildina án þess að hafa leikið einn einasta leik í Tyrklandi.
Grosskreutz hafði verið orðaður við Liverpool þar sem hans gamli þjálfari hjá Dortmund, Jurgen Klopp, ræður ríkjum.
En það reyndust aðeins sögusagnir því Grosskreutz er kominn til Stuttgart sem er í harðri fallbaráttu í þýsku deildinni.
Grosskreutz hafði verið orðaður við Liverpool þar sem hans gamli þjálfari hjá Dortmund, Jurgen Klopp, ræður ríkjum.
En það reyndust aðeins sögusagnir því Grosskreutz er kominn til Stuttgart sem er í harðri fallbaráttu í þýsku deildinni.
