Fotbolti.net
06.02.20 - 18:00
Guðmundur Aðalsteinn Ásgeirsson

Darron Gibson í Salford City (Staðfest)

Gibson var leystur undan samningi hjá Sunderland er hann lék þar

Gibson var leystur undan samningi hjá Sunderland er hann lék þar

Canon

Mynd: Getty Images

Darron Gibson, fyrrum miðjumaður Manchester United, hefur skrifað undir stuttan samning við Salford City í ensku D-deildinni.

Salford er í eigu Gary Neville, Ryan Giggs, David Beckham, Paul Scholes, Nicky Butt og Phil Neville, sem voru hluti af '92 árganginum hjá Manchester United.
Gibson kom upp í gegnum akademíu Manchester United og varð Englandsmeistari með aðalliði félagsins. Á ferli sínum hefur hann einnig leikið með Sunderland, Everton og Wigan.

Hann var leystur undan samningi sínum hjá Sunderland árið 2018 eftir að hann gerðist sekur um ölvunarakstur, á sama degi og Sunderland átti leik í Championship-deildinni.

Hinn 32 ára gamli Gibson hefur verið án félags frá því síðasta sumar. Nú tekur hann slaginn með Salford sem er í 11. sæti D-deildarinnar á Englandi.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.