Ronald Koeman, stjóri Barcelona, er orðinn fullsaddur á því að fá spurningar um eigin framtíð hjá félaginu.
Koeman er sagður vera valtur í sessi eftir brösugt gengi á tímabilinu og er Xavi, fyrrum miðjumaður liðsins, orðaður við starfið.
Fyrir leik gegn Osasuna í kvöld var Koeman enn og aftur spurður út í framtíð sína og er augljóst að hann sé orðinn þreyttur á sömu spurningunum.
„Fólk og fjölmiðlarnir hafa áhuga á því að nefna nöfn og búa til umdeilanleg málefni," sagði Koeman.
„Það mikilvægasta fyrir mig er að pirra mig ekki á því og undirbúa liðið fyrir leikinn sem er framundan. Ég pirrar mig ekki og ég hef engan áhuga á þegar nöfn eins og Xavi eru nefnd."
„Loksins þá verður nýr forseti kosinn um helgina og hann tekur ákvarðanir. Við munum ræða saman. Ég er kominn með upp í kok af þessum spurningum og það hefur verið svoleiðis í dágóðan tíma."
Athugasemdir