Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   lau 06. júní 2020 21:31
Ívan Guðjón Baldursson
Skallagrímur fær Gunnar Braga frá Kára (Staðfest)
Mynd: Fótbolti.net - Eyjólfur Garðarsson
Skallagrímur, sem leikur í 4. deildinni í sumar, er búinn að næla sér í afar mikilvægan liðsstyrk fyrir komandi átök.

Skallagrímur krækti í Gunnar Braga Jónasson, sem hefur verið aðalmarkvörður Kára síðustu tvö ár í 2. deild.

Gunnar Bragi er uppalinn hjá Skallagrím og var frændi hans Hólmar Valgeirsson lengi vel aðalmarkvörður Skallagríms.

Gunnar á 41 leik að baki fyrir Kára og var hársbreidd að fara með liðinu upp í Inkasso-deildina sumarið 2018.

Skallagrímur endaði í langneðsta sæti 3. deildarinnar í fyrra. Liðið fékk aðeins 6 stig úr 22 leikjum, með markatöluna 23:79. Gunnar Bragi getur því orðið afar mikilvægur á milli stanganna.

Kári rétt bjargaði sér frá fali úr 2. deildinni í fyrra.
Athugasemdir
banner
banner
banner
banner
banner