Atletico Madrid er búið að tilkynna að félagið hefur komist að samkomulagi við Chelsea um kaupin á spænska sóknarmanninum Alvaro Morata.
Morata er hjá Atletico á lánssamningi sem gildir út næsta tímabil en Chelsea hafði hótað því að endurkalla hann úr láninu ef Atletico myndi ekki ganga frá kaupum á honum.
Atletico fær Morata lánaðan út næsta tímabil eins og upprunalega samkomulagið gerði ráð fyrir. Þegar láninu lýkur þarf spænska félagið að kaupa Morata.
Kaupverðið er ekki gefið upp en það er talið nema um 60 milljónum punda með greiðslu fyrir lánssamninginn.
Morata er eflaust himinlifandi með þessar fregnir. Hann hefur nokkrum sinnum beðið Atletico um að ganga frá kaupum á sér í viðtölum.
📝 | Agreement with @ChelseaFC over the transfer of @AlvaroMorata from July 1, 2020. The striker will play at our club on loan this season and the move will become permanent ahead of the 2020-2021 season
— Atlético de Madrid (@atletienglish) July 6, 2019
👉 https://t.co/dX4mI5Nxgw#AúpaAtleti pic.twitter.com/rpU8Tex0S3
Athugasemdir
