Norwich var að fá þýska markvörðinn Ralf Fahrmann á láni frá Schalke út næstu leiktíð.
Fahrmann kemur með mikla reynslu til Norwich eftir að hafa leikið 196 leiki í þýsku úrvalsdeildinni og 40 leiki í Evrópukeppnum með Schalke.
Þessi þrítugi markvörður er þriðji leikmaðurinn sem Norwich fær í sumar. Áður hafði félagið fengið Patrick Roberts á láni frá Manchester City og sóknarmanninn Josip Drmic á frjálsri sölu.
Fahrmann mun veita Tim Krul samkeppni hjá Norwich á næstu leiktíð. Hann er sjöundi Þjóðverjinn í leikmannahópi Norwich.
Norwich leikur í ensku úrvalsdeildinni á næsta tímabili eftir að hafa komist upp úr Championship-deildinni.
Goalkeeper Ralf Fährmann has joined #ncfc on a season-long loan deal from Schalke! 👊
— Norwich City FC (@NorwichCityFC) July 5, 2019
Athugasemdir