Theo í treyju Real Sociedad.
AC Milan er búið að ganga frá kaupunum á Theo Hernandez, 21 árs vinstri bakverði sem gengur í raðir félagsins eftir tvö ár hjá Real Madrid.
Theo tókst ekki að vinna sér sæti í byrjunarliði Real og lék aðeins 23 leiki á tveimur árum.
Nú mun hann berjast við Ricardo Rodriguez um byrjunarliðssæti en Diego Laxalt, sem leikur yfirleitt á kantinum, er einnig hjá félaginu. Rodriguez hefur verið orðaður við brottför frá Milan.
Theo á 16 leiki að baki fyrir yngri landslið Frakka og lék hann 24 leiki að láni hjá Real Sociedad á nýliðnu tímabili.
Kaupverðið er óuppgefið en Milan er talið greiða 20 milljónir evra fyrir bakvörðinn efnilega.
Athugasemdir
