Wout Weghorst er kominn til Besiktas
Hollenski framherjinn Wout Weghorst gerði í gær eins árs lánssamning við tyrkneska félagið Besiktas en hann kemur frá Burnley.
Þessi 29 ára gamli leikmaður kom til Burnley frá Wolfsburg í janúar á þessu ári en hann kom í stað Chris Wood sem fór til Newcastle United.
Hann skoraði einungis tvö mörk í tuttugu leikjum er Burnley féll niður í B-deildina.
Burnley hefur misst marga lykilmenn síðan og bætist Weghorst við þann lista en hann gerði í gær eins árs lánssamning við Besiktas.
Besiktas, sem hafnaði í 6. sæti tyrknesku deildarinnar á síðustu leiktíð, mun greiða laun Weghorst.
Athugasemdir
