Enska B-deildarfélagið Bournemouth hefur hafnað 12 milljón punda tilboði Sheffield United í enska markvörðinn Aaron Ramsdale. Þetta kemur fram á Sky Sports.
Bournemouth féll úr úrvalsdeildinni í lokaumferðinni á meðan nýliðar Sheffield United náðu frábærum árangri og hafnaði í 9. sæti deildarinnar.
Dean Henderson varði mark Sheffield United á tímabilinu en hann var á láni frá Manchester United.
Sky Sports greinir frá því að Bournemouth hafi hafnað 12 milljón punda tilboði Sheffield United í Ramsdale.
Ramsdale er 22 ára gamall og er eftirsóttur af mörgum úrvalsdeildarfélögum. Hann var valinn leikmaður ársins hjá Bournemouth og vill félagið fá að minnsta kosti 20 milljón punda fyrir leikmanninn.
