Skrifar undir metsamning eftir nokkra daga

Moore, sem er afar efnilegur kantmaður, mun skrifa undir þriggja ára samning við Spurs þegar hann verður 17 ára eftir nokkra daga.

The Athletic segir að Moore muni setja met hjá Tottenham þegar hann skrifar undir því félagið hefur aldrei borgað leikmanni á þessum aldri hærri laun.

Moore varð yngsti leikmaðurinn til að spila fyrir Tottenham í ensku úrvalsdeildinni á síðustu leiktíð og það er útlit fyrir að hann fái stærra hlutverk á komandi tímabili. Hann hefur verið mikið inn í myndinni á undirbúningstímabilinu.

Hann hefur verið orðaður við Manchester City og Manchester United, en hann ætlar sér að vera áfram hjá Tottenham og mun skrifa undir sinn fyrsta atvinnumannasamning þar.