Diljá Ýr í leik með Val síðasta sumar. Hún hefur átt mjög öflugt tímabil með einu besta liðinu í Svíþjóð.
Það kom á óvart að sjá að Diljá Ýr Zomers var ekki valin í A-landsliðshópinn sem var tilkynntur í dag.
Diljá er 19 ára gömul og spilar framarlega á vellinum. Á þessu tímabili hefur hún skorað sex mörk í 13 leikjum í deild og bikar í einu besta liði Svíþjóðar.
Þorsteinn Halldórsson, landsliðsþjálfari, var spurður út í Diljá á fréttamannafundi.
„Diljá var inn í myndinni, alveg tvímælalaust. En ég taldi það ekki vera rétta tímapunktinn í dag. Ég er með ákveðna hluti í huga fyrir þennan leik og taldi að það væri ekki besti tímapunkturinn til að velja hana," sagði Steini.
Valgeir Lunddal, bakvörður U21 landsliðsins, skaut á landsliðsvalið á Twitter. Hann er kærasti Diljár.
„Tíunda markahæsta í Svíþjóð… Markahæst af öllum íslenskum stelpunum í deildinni en ekki í landsliðshóp," skrifaði Valgeir og setti hlæju-emoji við.
Sjá einnig:
„Væri til í að sjá hann velja Diljá Ýr í landsliðshópinn"
10unda markahæst i Svíþjóð… Markahæst af öllum íslenskum stelpum i deildinni en ekki i landsliðshóp😂 pic.twitter.com/nldqPtmsAV
— Valgeir Lunddal (@valgeirlunddal) September 6, 2021
Athugasemdir