Fotbolti.net
06.10.21 - 23:55
Brynjar Ingi Erluson

Pétur framlengir við Val - Matthías verður aðstoðarþjálfari (Staðfest)

Matthías Guðmundsson er nýr aðstoðarþjálfari Vals

Matthías Guðmundsson er nýr aðstoðarþjálfari Vals

Canon

Mynd: Knattspyrnudeild Vals

Kvennaboltinn
Pétur Pétursson, þjálfari kvennaliðs Vals, framlengdi í kvöld samning sinn við félagið til næstu tveggja ára. Matthías Guðmundsson verður þá honum til aðstoðar en þetta kemur fram í tilkynningu félagsins í kvöld.
Pétur tók við Val í október árið 2017 en hann gerði liðið að Íslandsmeisturum árið 2019 og undir hans stjórn varð liðið aftur Íslandsmeistari í sumar.

Hann framlengdi í kvöld samning sinn við Val til 2023 og var þá einnig tilkynnt um ráðningu á nýjum aðstoðarþjálfara en Matthías Guðmundsson tekur við starfinu.

Eiður Benedikt Eiríksson hætti sem aðstoðarþjálfari liðsins á dögunum og er Matthías nú kominn inn í hans stað en Matthías gerir tveggja ára samning við Val.

Matthías er vel kunnugur Völsurum en hann spilaði lengst af með Val á knattspyrnuferli sínum og hefur þá sinnt þjálfun hjá yngri flokkum félagsins.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.