Byrjunarlið Víkings og Stjörnunnar: Tveir í banni og markvarðarbreyting

Arnar Gunnlaugsson þjálfari Víkinga gerir 3 breytingar á liði sínu frá því að þeir fóru til Kýpur síðasta fimmtudag og töpuðu 4-0 í Sambandsdeildinni. Það eru markmanns skipti þar sem Pálmi Rafn Arinbjörnsson kemur inn í marki en Ingvar Jónsson sest á bekkinn. Viktor Örlygur Andrason og Helgi Guðjónsson koma einnig inn í liðið. Nikolaj Hansen sest á bekkinn en Tarik Ibrahimagic er ekki með þar sem hann er í leikbanni.

Jökull Elísabetarsson þjálfari Stjörnunnar Gerir eina breytingu á sínu liði sem vann ÍA 3-0 í síðustu umferð. Það er Daníel Laxdal sem kemur inn í liðið en Sigurður Gunnar Jónsson er ekki með þar sem hann er í  leikbanni.