Ekroth mögulega ekki meira með í deildinni

„Þetta lítur út fyrir að vera slæm tognun, þannig mögulega er Íslandsmótið bara búið fyrir hann, sem er náttúrulega slæmt. Það er auðvitað eitt af þessum afleiðingum mikils álag og hann er búinn að spila mjög mikið af mínútum. Það hefur lítið verið hægt að hvíla hann í sumar, en svona er þetta. Við sjáum þetta út um allt í hinum stóra heimi þar sem mikið álag er, þá geta svona meiðsli komið upp," sagði Arnar Gunnlaugsson þjálfari Víkings eftir leik.

Ekroth er einn besti miðvörður deildarinnar en hann gæti misst af leik gegn ÍA eftir landsleikjagluggann og svo líklegum úrslitaleik við Breiðablik um Íslandsmeistaratitilinn.