Fotbolti.net
06.11.13 - 15:54
Elvar Geir Magnússon

Jökull Elísabetarson til ÍBV (Staðfest)

Jökull og Sigurður Ragnar við undirskriftina.

Jökull og Sigurður Ragnar við undirskriftina.

Canon

Mynd: Fótbolti.net - Hafliði Breiðfjörð

Miðjumaðurinn Jökull Elísabetarson er genginn í raðir ÍBV en hann var kynntur á fréttamannafundi sem nú stenur yfir.

Samningurinn er til þriggja ára.
Jökull hefur verið hjá Breiðabliki undanfarin ár og átti sitt besta tímabil 2010 þegar hann var lykilmaður í liðinu þegar það varð Íslandsmeistari.

Hann lék aðeins sex deildarleiki með liðinu á liðnu sumri og ákváðu Blikar að endurnýja ekki samning við hann.

Í fyrra var hann lánaður til KV og var orðaður við endurkomu í vesturbæinn ásamt því að Fylkir hafði áhuga á honum.

Sigurður Ragnar Eyjólfsson, þjálfari ÍBV, sagði á fundinum að stefnan væri sett á að gera betur á næsta ári en á liðnu tímabili og að hann væri ánægður með að fá Jökul í sínar raðir.

Viðtal við Jökul kemur inn á Fótbolta.net á eftir.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.