Óli Jó verður í Garðabænum.
„Það er einhver tími síðan þetta var reifað. Ég þurfti aðeins að hugsa mig um," sagði Ólafur Jóhannesson eftir að hann var ráðinn þjálfari Stjörnunnar í dag.
Ólafur mun stýra Stjörnunni ásamt Rúnari Páli Sigmundssyni. Ólafur ætlaði að taka sér frí frá fótbolta eftir að hann hætti hjá Val í haust en honum snérist hugur.
Ólafur mun stýra Stjörnunni ásamt Rúnari Páli Sigmundssyni. Ólafur ætlaði að taka sér frí frá fótbolta eftir að hann hætti hjá Val í haust en honum snérist hugur.
„Ég var eiginlega búinn að ákveða að taka mér frí. Síðan kemur löngunin og annað. Þegar Rúnar hafði samband við mig fannst mér þetta vera það spennandi að ég vildi fá að hugsa það."
Önnur félög reyndu við Ólaf strax eftir mót en þá hafði hann ekki áhuga.
„Í haust var ég að fara í frí og vildi ekki hugsa um fótbolta. Ég held að það sé eini munurinn. Ég vildi aðeins fá að blása og koma mér í burtu frá þessu. Þegar ég kom heim aftur úr frí var löngunin í þetta það mikil að ég gat ekki sagt nei við þessu."
Hér að ofan má sjá viðtalið í heild sinni.
Athugasemdir
