Náði 250 mörkum í 150 færri leikjum en Ronaldo

Annað mark Kylian Mbappe gegn Póllandi á sunnudag var 250. markið á atvinnumannaferli hans.

Mbappe var óstöðvandi gegn Póllandi og er nú kominn með 250 mörk í 360 leikjum. Hann nær þessum áfanga í 150 færri leikjum en Cristiano Ronaldo (510) og 19 færri leikjum en Lionel Messi (379).

Þessi 23 ára leikmaður Paris Saint-Germain hefur skorað 33 mörk í 63 landsleikjum fyrir Frakkland.

Það verður hægara sagt en gert fyrir England að stöðva hann á laugardagskvöld þegar England og Frakkland eigast við í 8-liða úrslitum HM.