Fotbolti.net
07.01.22 - 08:52
Elvar Geir Magnússon

Trippier til Newcastle (Staðfest)

Kieran Trippier og Eddie Howe.

Kieran Trippier og Eddie Howe.

Canon

Mynd: Newcastle

Newcastle United hefur tilkynnt um kaup á enska varnarmanninum Kieran Trippier frá Atletico Madrid. Hann er keyptur á 12 milljónir punda en sú upphæð gæti hækkað eftir ákveðnum ákvæðum.

Trippier er 31 árs og er fyrsti leikmaðurinn sem Newcastle kaupir eftir að Sádi-Arabarnir eignuðust félagið.
„Ég er hæstánægður með að vera að ganga í raðir þessa frábæra félags," segir Trippier sem skrifaði undir samning til 2024.

Eddie Howe, sem var ráðinn stjóri Newcastle í nóvember, keypti Trippier á sínum tíma til Burnley 2012.

„Ég átti mjög góðan tíma í Madríd en þegar ég vissi af áhuga Newcastle og eftir að hafa unnið áður með Eddie Howe þá vissi ég að þetta væri staðurinn sem ég vildi vera á."

Trippier varð spænskur meistari með Atletico á síðasta tímabili en hann átti átján mánuði eftir af samningi sínum. Newcastle er næst neðst í ensku úrvalsdeildinni og hefur aðeins unnið einn deildarleik á tímabilinu.

„Ég geri mér grein fyrir því að það er mikil vinna framundan en ég þekki úrvalsdeildina vel. Ég veit hversu magnað félag þetta er og hve hæfileikaríkir leikmennirnir eru. Ég get ekki beðið eftir því að byrja og er spenntur fyrir því að stíga út á St James' Park sem leikmaður Newcastle," segir Trippier sem gekk í raðir Atletico 2019 eftir fjögur ár hjá Tottenham.

Newcastle tekur á móti Cambridge United í þriðju umferð FA-bikarsins á morgun og leikur svo fallbaráttuslag gegn Watford þann 15. janúar.

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.