Mauricio Pochettino er að leita eftir markverði til að koma inn fyrir hinn 34 ára gamla Keylor Navas. Pochettino vill fá De Gea í markið og því mun PSG reyna að bjóða í Spánverjann í sumar.

Mikil óvissa ríkir um framtíð De Gea hjá United en hann hefur nú verið hjá félaginu í tæpan áratug. Hann spilar ekki á næstunni fyrir félagið en hann skrapp til Spánar þar sem hann og unnusta hans eignuðust dóttur á dögunum.

Ef De Gea fer frá félaginu þá gæti það þýtt að Dean Henderson er kominn til að vera markvörður númer eitt hjá félaginu.

PSG getur boðið De Gea 375 þúsund pund á viku en hann er launahæsti leikmaður ensku úrvalsdeildarinnar.

Henderson mun fá á næstu dögum tækifæri til þess að sýna sig og sanna í markinu hjá United og hver veit nema honum takist að geirnegla stöðuna í þessum mánuði.