mið 07. apríl 2021 08:30
Guðmundur Aðalsteinn Ásgeirsson
Gnabry greindur með veiruna í annað sinn - Fölsk niðurstaða síðast
Mynd: Getty Images
Serge Gnabry, kantmaður Bayern München, mun missa af leiknum gegn Paris Saint-Germain í Meistaradeildinni í kvöld eftir að hafa greinst með kórónuveiruna.

Þetta er í annað sinn sem Gnabry greinist með veiruna en síðast var niðurstaðan fölsk.

Líðan Gnabry er góð en hann er í einangrun heima hjá sér. Hann mun horfa á leikinn heima í kvöld.

Robert Lewandowski er ekki heldur með Bayern í kvöld vegna meiðsla.

Í liði PSG voru Ítalarnir Alessandro Florenzi og Marco Verratti greindir með veiruna. Þeir verða ekki með í kvöld.

Leikurinn hefst klukkan 19:00 en þetta er fyrri leikur liðanna í átta-liða úrslitunum. Leikurinn í kvöld fer fram á heimavelli Bayern í Þýskalandi.
Athugasemdir
banner
banner
banner