Fotbolti.net
07.05.20 - 15:18
Magnús Már Einarsson

Viðar áfram hjá Yeni Malatyaspor (Staðfest)

Viðar áfram hjá Yeni Malatyaspor (Staðfest)
Canon

Mynd: Fótbolti.net - Hafliði Breiðfjörð

Viðar Örn Kjartansson verður áfram á láni hjá Yeni Malatyaspor á næsta tímabili. Hann greindi frá þessu í viðtali við <i>Sportið í dag</I> á Stöð 2 Sport í dag.
„Ég verð áfram á næsta tímabili þar. Það er búið að græja það. Ég verð 100% þar á næsta tímabili," sagði Viðar í viðtalinu á Stöð 2 Sport.

„Það verður vesen með marga leikmenn með samninga en það er búið að ganga frá samningi að ég verð allavega eitt tímabil í viðbót þarna og ég er mjög sáttur með það."

Viðar er á láni frá Rostov í Rússlandi en hann gekk til liðs við Yeni Malatyaspor í janúar.

Hinn þrítugi Viðar hafði skorað eitt mark í sjö leikjum í tyrknesku úrvalsdeildinni áður en keppni var hætt í mars vegna kórónaveirunnar. Stefnt er á að hefja aftur leik þar þann 12. júní.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.