07.05.21 - 20:00
Brynjar Ingi Erluson
Pepsi Max-deildin: KA skellti KR í Vesturbænum
Hallgrímur Mar skoraði tvö mörk og lagði upp eitt en Hrannar Björn, bróðir hans, lagði upp fyrsta mark leiksins
Mynd: Fótbolti.net - Hafliði Breiðfjörð
Hallgrímur Mar skoraði tvö mörk og lagði upp eitt en Hrannar Björn, bróðir hans, lagði upp fyrsta mark leiksins
Mynd: Fótbolti.net - Hafliði Breiðfjörð
KR 1 - 3 KA
0-1 Hallgrímur Mar Steingrímsson ('10 )
0-2 Brynjar Ingi Bjarnason ('28 )
1-2 Guðjón Baldvinsson ('45 )
1-3 Hallgrímur Mar Steingrímsson ('78 )
0-1 Hallgrímur Mar Steingrímsson ('10 )
0-2 Brynjar Ingi Bjarnason ('28 )
1-2 Guðjón Baldvinsson ('45 )
1-3 Hallgrímur Mar Steingrímsson ('78 )
KA gerði sér góða ferð til Reykjavíkur í dag en liðið vann KR 3-1 í Vesturbænum í 2. umferð Pepsi Max-deildar karla. Sigur Akureyringa var aldrei í hættu.
Lestu um leikinn hér
Bræðurnir Hrannar Björn og Hallgrímur Mar Steingrímssynir bjuggu til fyrsta markið á 10. mínútu. Brynjar Ingi Bjarnason átti langa sendingu út vinstra megin á Hrannar sem lagði boltann fyrir sig, kom honum á Hallgrím sem skoraði með laglegu skoti í stöng og inn.
Brynjar Ingi bætti við öðru marki á 28. mínútu. Hallgrímur Mar átti aukaspyrnu sem hann teiknaði á hausinn á Brynjari og inn í netið fór boltinn.
KA-menn sköpuðu sér mikið. Ásgeir Sigurgeirsson kom boltanum í netið á 40. mínútu en markið var dæmt af og stuttu síðar átti Brynjar Ingi skalla beint á Beiti Ólafsson í markinu.
Guðjón Baldvinsson tókst að minnka muninn fyrir heimamenn undir lok fyrri hálfleiks. Kristinn Jónsson átti fasta fyrirgjöf inn í teig á Guðjón sem skoraði.
Heimamenn komu ferskari inn í síðari hálfleikinn og fengu tvö hættuleg færi sem Atli og Guðjón náðu ekki að nýta sér.
Gestirnir gulltryggðu sigurinn á 78. mínútu en Hallgrímur Mar gerði annað mark sitt í leiknum. Daníel Hafsteinsson sendi þá boltann á Hallgrím sem hamraði boltann í fjærhornið.
3-1 sigur KA staðreynd. Liðið komið með fjögur stig eftir fyrstu tvær umferðirnar en KR-ingar með þrjú stig.
Lestu um leikinn hér
Bræðurnir Hrannar Björn og Hallgrímur Mar Steingrímssynir bjuggu til fyrsta markið á 10. mínútu. Brynjar Ingi Bjarnason átti langa sendingu út vinstra megin á Hrannar sem lagði boltann fyrir sig, kom honum á Hallgrím sem skoraði með laglegu skoti í stöng og inn.
Brynjar Ingi bætti við öðru marki á 28. mínútu. Hallgrímur Mar átti aukaspyrnu sem hann teiknaði á hausinn á Brynjari og inn í netið fór boltinn.
KA-menn sköpuðu sér mikið. Ásgeir Sigurgeirsson kom boltanum í netið á 40. mínútu en markið var dæmt af og stuttu síðar átti Brynjar Ingi skalla beint á Beiti Ólafsson í markinu.
Guðjón Baldvinsson tókst að minnka muninn fyrir heimamenn undir lok fyrri hálfleiks. Kristinn Jónsson átti fasta fyrirgjöf inn í teig á Guðjón sem skoraði.
Heimamenn komu ferskari inn í síðari hálfleikinn og fengu tvö hættuleg færi sem Atli og Guðjón náðu ekki að nýta sér.
Gestirnir gulltryggðu sigurinn á 78. mínútu en Hallgrímur Mar gerði annað mark sitt í leiknum. Daníel Hafsteinsson sendi þá boltann á Hallgrím sem hamraði boltann í fjærhornið.
3-1 sigur KA staðreynd. Liðið komið með fjögur stig eftir fyrstu tvær umferðirnar en KR-ingar með þrjú stig.
