Fotbolti.net
07.05.22 - 07:30
Guðmundur Aðalsteinn Ásgeirsson

Crawley rekur þjálfarann í kjölfarið á alvarlegum ásökunum (Staðfest)

John Yems.

John Yems.

Canon

Mynd: Getty Images

Enska félagið Crawley Town hefur látið þjálfarann John Yems taka pokann sinn.
Hann var sendur í leyfi á dögunum í kjölfarið á alvarlegum ásökunum í hans garð.

Yems er 62 ára og er meðal annars sagður hafa látið hörundsdökka leikmenn liðsins nota annan klefa en aðrir leikmenn í hópnum.

Hann er sagður hafa ítrekað vísað til leikmanna sem eru af asísku bergi brotnir með því að kalla þá 'hryðjuverkamenn, sjálfsmorðssprengjumenn og karrý-ætur'. Að auki er hann sagður hafa bannað tveimur leikmönnum sem eru af minnihlutahópi að æfa með aðalliðinu án útskýringa, svo einhver dæmi séu nefnd.

Sjö leikmenn liðsins kvörtuðu til leikmannasamtaka vegna framkomu Yems og einn leitaði aðstoðar frá sérfræðingi vegna neikvæðra andlegra áhrifa.

Crawley er búið að taka ákvörðun um að halda ekki samstarfi sínu áfram við þjálfarann, en enska fótboltasambandið er enn að rannsaka málið.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.