Fotbolti.net
07.07.19 - 14:35
Brynjar Ingi Erluson

Mitchel Bakker til PSG (Staðfest)

Mitchel Bakker í leik með U17 ára landsliði Hollands

Mitchel Bakker í leik með U17 ára landsliði Hollands

Canon

Mynd: Getty Images

Franska félagið Paris Saint-Germain gerði í dag fjögurra ára samning við hollenska bakvörðinn Mitchel Bakker en hann kemur á frjálsri sölu frá AJax.
Bakker er 19 ára gamall og uppalinn hjá Ajax en hann á þó aðeins tvo leiki fyrir aðallið félagsins og komu þeir báðir í bikarnum á síðustu leiktíð.

Hann var margoft í hóp hjá liðinu en fékk þó ekki tækifærið í hollensku deildinni og var notaður mikið hjá unglinga- og varaliði Ajax,

Bakker samdi í dag við franska félagið Paris Saint-Germain og gerði fjögurra ára samning en hann kemur á frjálsri sölu þar sem samningur hans rann út um mánaðarmótin.

Hann mun leika með varaliði PSG til að byrja með en hann er fjórði leikmaðurinn sem PSG fær í glugganum. Pablo Sarabia, Marcin Bulka og Ander Herrera gengu allir frá samningum á dögunum.

Daniel Alves, Gianluigi Buffon, Adrien Rabiot fóru allir frá félaginu á frjálsri sölu og þá seldi félagið Grzegorz Krychowiak, Moussa Diaby, Timothy Weah og Giovani Lo Celso. Neymar gæti þá verið á förum til Barcelona.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.