Byrjunarlið Arsenal og Leicester: Lacazette byrjar

Um hörkuleik er að ræða þar sem níu stig skilja liðin að í Evrópubaráttunni. Leicester situr í Meistaradeildarsæti sem stendur á meðan Arsenal er sex stigum frá Man Utd í Evrópusæti.

Mikel Arteta setur Alexandre Lacazette inn í byrjunarliðið í stað ungstirnisins Eddie Nketiah sem byrjaði í sigrinum gegn Wolves um helgina. Hector Bellerin byrjar þá í hægri bakvarðarstöðunni í stað Cedric Soares, sem skoraði sitt fyrsta mark fyrir Arsenal um helgina.

Brendan Rodgers gerir aðeins eina breytingu á liðinu sem sigraði Crystal Palace 3-0 um helgina.

Ben Chilwell meiddist í sigrinum og er utan hóps. Ryan Bennett, sem er að láni frá Wolves, byrjar í vinstri bakverðinum í hans stað.

Arsenal: Martinez, Mustafi, Luiz, Kolasinac, Bellerin, Ceballos, Xhaka, Tierney, Saka, Lacazette, Aubameyang.
Varamenn: Macey, Sokratis, Torreira, Maitland-Niles, Holding, Pepe, Nelson, Willock, Nketiah.

Leicester: Schmeichel, Justin, Soyuncu, Evans, Bennett, Ndidi, Tielemans, Albrighton, Perez, Iheanacho, Vardy
Varamenn: Ward, Morgan, Gray, Barnes, Choudhury, James, Mendy, Praet, Fuchs.