„Við vorum fínir í fyrri hálfleik, seinni hálfleikurinn, það var mikill iðnaður í því," sagði Sigurbjörn Hreiðarsson, aðstoðarþjálfari Vals, eftir 1-0 sigur á Fylki í kvöld.
Lestu um leikinn: Valur 1 - 0 Fylkir
„Fylkir er með hörkulið, þeir eru með kraftmikla og sterka leikmenn. Það er mikið í þessu Fylkisliði og maður verður að passa sig á þeim."
Þessi sigur kemur Val upp í fjórða sæti. Það er góður staður að vera á eftir þetta erfiða tímabil.
„Eins og frægt er byrjuðum við þetta mót ekki sérstaklega. Við vissum að við þyrftum að spýta í og við höfum verið að gera það undanfarið. Liðið hefur verið að standa sig vel og við erum ánægðir með það. Við stefnum á að halda áfram. Við tökum síðasta þriðjunginn eins og menn, þessi miðjuþriðjungur hefur verið góður."
Næsti leikur er gegn FH, liðinu sem er í sjötta sæti deildarinnar. „Þetta er stórslagur á Íslandi, stærstu leikirnir. FH er með þrusulið."
Viðtalið er hér að ofan.
Athugasemdir