Manchester City tapaði óvænt, 0-2, á heimavelli gegn Wolves í gær. Tapið og það að Liverpool lagði Leicester, 2-1, á laugardag, þýðir að Liverpool er með átta stiga forskot að átta umferðum liðnum í ensku úrvalsdeildinni.

Sjá Einnig:Neville: Liverpool getur ekki tapað titlinum

Virgil van Dijk, miðvörður Liverpool, er ánægður með gengið hingað til en segir enn allt geta gerst í toppbaráttunni.

„Hingað til höfum við sótt stiginn," sagði van Dijk við Sky Sports.

„Það er samt alltaf pláss fyrir bætingar. Við eigum að einbeita okkur að framhaldinu og ekki horfa á forskotið sem við erum með á City og hin liðin."

„Það eru mörg próf eftir og fullt af leikjum. desember mánuður og janúar og allt getur enn gerst."

„Ég átti ekki von á þessu tapi hjá City en frammistaða Wolves var frábær og þeir eiga allt hrós skilið fyrir sína frammistöðu. City mun koma til baka. Núna set ég einbeitinguna á komandi landsleiki," sagði van Dijk að lokum.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit