fim 07. nóvember 2019 19:30
Guðmundur Aðalsteinn Ásgeirsson
Sarri um viðbrögð Ronaldo: Honum leið ekki vel
Mynd: Getty Images
Cristiano Ronaldo virtist reiður þegar Maurizio Sarri tók hann af velli í 2-1 sigri Juventus á Lokomotiv Moskvu í Meistaradeildinni í gær.

Ronaldo var tekinn út af í stöðunni 1-1 á 82. mínútu. Juventus tókst að vinna leikinn 2-1 með Ronaldo á bekknum, en Douglas Costa skoraði sigurmarkið í uppbótartíma.

Sarri, þjálfari Juventus, kenndi meiðslum um viðbrögð Ronaldo við skiptingunni.

„Ronaldo var reiður vegna þess að honum leið ekki vel, hann lenti í hnémeiðslum fyrir nokkrum dögum," sagði Sarri.

„Hann var stressaður vegna meiðslanna í fyrri hálfleik. Ég var hræddur um að hann myndi meiða sig og ég ákvað því að taka hann út af."

Sjá einnig:
Ramsey bað Ronaldo afsökunar á að taka markið


Athugasemdir
banner
banner