07.11.26 - 11:01
Brynjar Ingi Erluson
Hefur ekki áhyggjur af markaþurrð fyrrum Valsarans
Kasper Högh hefur ekki skorað síðan í ágúst
Mynd: Celtic
Kasper Högh hefur ekki skorað síðan í ágúst
Mynd: Celtic
Kasper Högh, fyrrum leikmaður Vals, hefur ekki skorað í síðustu fimmtán leikjum sínum fyrir skoska félagið Celtic eftir að hafa farið afar vel af stað hjá liðinu.
Ferill Högh fór á flug eftir að hann sneri aftur til Danmerkur frá Val árið 2020.
Hann hafði verið á láni á Hlíðarenda frá Randers, en aðeins fjórum árum síðar gekk hann til liðs við Bodö/Glimt þar sem hann sló í gegn. Frammistaða hans vakti mikla athygli og í sumar var hann seldur til Celtic fyrir 11 milljónir punda.
Högh fór vel af stað hjá skoska félaginu og skoraði þrennu gegn Kilmarnock í ágúst, öll mörkin í fyrri hálfleik. Síðan þá hefur hann hins vegar ekki náð að koma boltanum í netið.
Martin O'Neill, stjóri Celtic, segist þó ekki hafa neinar áhyggjur af markaþurrð Danans.
„Ég vil að framherjarnir mínir geti haldið boltanum og það er nákvæmlega það sem hann gerði. Hann er ekki Camilo Duran og er ekki sérstaklega góður í að rekja boltann, en ef hann getur gert þetta fyrir okkur gegn sterkum andstæðingi þá er hann í góðum málum,“ sagði O'Neill.
Högh var ekki valinn í danska landsliðshópinn fyrir komandi landsleiki og telur O'Neill að sjálfstraust framherjans gæti hafa beðið hnekki.
„Ég sagði honum að ég hefði engar áhyggjur af því hvort hann skoraði mörk eða ekki,“ sagði O'Neill ennfremur.
Þrátt fyrir markaþurrð Högh hefur Celtic gengið vel á tímabilinu og situr liðið á toppi skosku úrvalsdeildarinnar með 28 stig, fjórum stigum meira en erkifjendurnir í Rangers.
Hann hafði verið á láni á Hlíðarenda frá Randers, en aðeins fjórum árum síðar gekk hann til liðs við Bodö/Glimt þar sem hann sló í gegn. Frammistaða hans vakti mikla athygli og í sumar var hann seldur til Celtic fyrir 11 milljónir punda.
Högh fór vel af stað hjá skoska félaginu og skoraði þrennu gegn Kilmarnock í ágúst, öll mörkin í fyrri hálfleik. Síðan þá hefur hann hins vegar ekki náð að koma boltanum í netið.
Martin O'Neill, stjóri Celtic, segist þó ekki hafa neinar áhyggjur af markaþurrð Danans.
„Ég vil að framherjarnir mínir geti haldið boltanum og það er nákvæmlega það sem hann gerði. Hann er ekki Camilo Duran og er ekki sérstaklega góður í að rekja boltann, en ef hann getur gert þetta fyrir okkur gegn sterkum andstæðingi þá er hann í góðum málum,“ sagði O'Neill.
Högh var ekki valinn í danska landsliðshópinn fyrir komandi landsleiki og telur O'Neill að sjálfstraust framherjans gæti hafa beðið hnekki.
„Ég sagði honum að ég hefði engar áhyggjur af því hvort hann skoraði mörk eða ekki,“ sagði O'Neill ennfremur.
Þrátt fyrir markaþurrð Högh hefur Celtic gengið vel á tímabilinu og situr liðið á toppi skosku úrvalsdeildarinnar með 28 stig, fjórum stigum meira en erkifjendurnir í Rangers.
