Coady leggur skóna á hilluna - Á leið til Barnsley?

Coady er 33 ára gamall og gerði garðinn frægan með Wolves eftir að hafa alist upp hjá Liverpool. Coady var fyrirliði Úlfanna en yfirgaf félagið fyrir fjórum árum til að spila á láni hjá Everton áður en hann var seldur til Leicester.

Hann var algjör lykilmaður í uppgangi Wolves sem vann sér inn sæti í ensku úrvalsdeildinni og endaði tvisvar sinnum í sjöunda sæti deildarinnar, auk þess að komast 8-liða úrslit Evrópudeildarinnar.

Hann hefur verið án félags síðan samningi hans við Wrexham var rift í september og ætlar að demba sér í þjálfun. Coady, sem lék 10 landsleiki fyrir England, er núna orðaður við starf sem aðstoðarþjálfari hjá Barnsley. Hann er kominn langt á leið með að vinna sér inn UEFA A þjálfararéttindi.

Til gamans má geta að á sínum yngri árum þótti Coady gríðarlega efnilegur miðjumaður, en endaði á að eiga flottan feril sem miðvörður.

Hann starfar í dag sem fótboltasérfræðingur hjá breska ríkisútvarpinu, BBC.