Pochettino að missa starfið? - Man Utd tilbúið að losa sig við Antony og fleiri - Mörg lið berjast um Palhinha - De Bruyne vill MLS frekar en...
   fim 07. desember 2023 10:13
Elvar Geir Magnússon
Þorir ekki að veðja á móti því að Villa nái Meistaradeildarsæti
Unai Emery, stjóri Aston Villa.
Unai Emery, stjóri Aston Villa.
Mynd: EPA
Pat Nevin fyrrum landsliðsmaður Skotlands og sérfræðingur breska ríkisútvarpsins segist ekki þora að veðja á móti því að Aston Villa nái að enda í topp fjórum og krækja þar með í Meistaradeildarsæti.

Villa vann 1-0 sigur gegn Manchester City í gær og var hreinlega miklu betra liðið í leiknum.

„Unai Emery er að gera hreint stórkoslega hluti hjá Aston Villa. Ég hafði algjörlega rangt fyrir mér eftir að ég sá Newcastle pakka þeim saman snemma á tímabilinu,“ segir Nevin.

Aston Villa er sem stendur í þriðja sæti ensku úrvalsdeildarinnar.

„Emery hefur fengið sitt lið til að spila saman eins og ein heild. Trúin og hugarfarið frá hverjum einasta leikmanni. Það var ekki nokkur hræðsla á neinum tímapunkti gegn Man City, einu besta liði sem ég hef séð í mörg ár."

„Emery hefur sett saman sérstaka liðsheild. Ég þori ekki að veðja gegn því að þeir endi í topp fjórum á þessu tímabili. Margir halda að þetta sé bara tímabundið en ég held að þeir séu með það sem þarf."

Villa var í fjórtánda sæti þegar Emery tók við Villa, aðeins þremur stigum fyrir ofan fallsæti. Hann stýrði þeim í Evrópusæti í lok síðasta tímabils og liðið heldur áfram að taka frábærum framförum.
Stöðutaflan England Premier league - karlar
  L U J T ms: mf: mun Stig
1 Liverpool 26 18 6 2 63 25 +38 60
2 Man City 26 18 5 3 59 26 +33 59
3 Arsenal 26 18 4 4 62 23 +39 58
4 Aston Villa 26 16 4 6 56 35 +21 52
5 Tottenham 25 14 5 6 52 38 +14 47
6 Man Utd 26 14 2 10 36 36 0 44
7 Brighton 26 10 9 7 49 41 +8 39
8 West Ham 26 11 6 9 40 46 -6 39
9 Wolves 26 11 5 10 40 40 0 38
10 Newcastle 26 11 4 11 54 45 +9 37
11 Chelsea 25 10 5 10 42 41 +1 35
12 Fulham 26 9 5 12 36 42 -6 32
13 Crystal Palace 26 7 7 12 31 44 -13 28
14 Bournemouth 25 7 7 11 33 47 -14 28
15 Everton 26 8 7 11 28 34 -6 25
16 Brentford 26 7 4 15 37 48 -11 25
17 Nott. Forest 26 6 6 14 34 48 -14 24
18 Luton 25 5 5 15 35 51 -16 20
19 Burnley 26 3 4 19 25 58 -33 13
20 Sheffield Utd 26 3 4 19 22 66 -44 13
Athugasemdir
banner
banner
banner