Guðjón Máni Magnússon.
Fjarðabyggð hefur fengið Guðjón Mána Magnússon í sínar raðir, en hann spilaði með liðinu síðasta sumar á láni frá Breiðabliki.
Guðjón Máni er 21 árs kantmaður. Hann spilaði alls 22 leiki með Fjarðabyggð síðasta sumar og skoraði í þeim fjögur mörk.
Árið 2018 spilaði Guðjón Máni 17 leiki með Augnablik og skoraði í þeim fjögur mörk.
„Velkominn aftur í Fjarðabyggð Guðjón Máni," segir í tilkynningu Fjarðabyggðar sem hafnaði í níunda sæti 2. deildar karla á síðasta tímabili.
Fjarðabyggð samdi á dögunum við markvörðinn Milos Peric um að spila áfram með félaginu.
Athugasemdir
