mán 08. mars 2021 15:04
Elvar Geir Magnússon
Slæmt tap í fyrsta leik Ragga Sig fyrir Rukh Lviv
Ragnar Sigurðsson á æfingu.
Ragnar Sigurðsson á æfingu.
Mynd: Getty Images
Íslenski landsliðsvarnarmaðurinn Ragnar Sigurðsson lék sinn fyrsta leik fyrir Rukh Lviv í úkraínsku úrvalsdeildinni í dag.

Rukh tapaði 0-4 á heimavelli sínum gegn Desna sem komst upp í fjórða sætið með sigrinum.

Ragnar var í byrjunarliðinu og lék fyrri hálfleikinn. Staðan var 0-2 í hálfleik.

Rukh Lviv er í tólfta sæti úkraínsku deildarinnar af fjórtán liðum deildarinnar, þrjú lið eru með 13 stig í sætum 11-13 og liðið neðsta sæti er svo með 12 stig.

Ragnar gekk í raðir Rukh Lviv fyrr á árinu, frá FC Kaupmannahöfn.

Hann er lykilmaður í íslenska landsliðinu sem mun síðar í þessum mánuði hefja leik í undankeppni HM.
Athugasemdir
banner
banner