Magnús Ingi Einarsson hefur skipt yfir í Hamar og ætlar að taka sumarið með Hvergerðingum í 4. deildinni.
Magnús Ingi er 26 ára framherji sem hefur spilað 60 leiki með Selfoss en hann lék með liðinu í Pepsi-deildinni og Inkasso.
Hann hefur einnig spilað með Dalvík/Reyni, Herði Ísafirði og Árborg.
„Þetta er gríðarlega mikill liðstyrkur fyrir Hamar sem ætlar sér góða hluti í sumar," segir í tilkynningu frá Hamri.
Hamar komst í úrslitakeppni 4. deildarinnar í fyrra en tókst ekki að komast upp.
Athugasemdir