08.06.22 - 08:40
Elvar Geir Magnússon
Liverpool sagt tilbúið að borga metfé fyrir Darwin Nunez
Darwin Nunez í landsleik með Úrúgvæ.
Mynd: EPA
Darwin Nunez í landsleik með Úrúgvæ.
Mynd: EPA
Úrúgvæski sóknarmaðurinn Darwin Nunez hjá Benfica er orðaður við ensku bikarmeistarana í Liverpool. Daily Mail segir að Liverpool sé tilbúið að slá félagsmet með því að kaupa hann á 85 milljónir punda í sumar.
Nunez hefur vakið mikla athygli en Atletico Madrid og Manchester United hafa einnig sýnt honum áhuga.
Sagt er að Julian Ward, íþróttastjóri Liverpool, hafi þegar rætt við Benfica og jafnframt er talið að Nunez hafi áhuga á á því að fara til Liverpool.
Miklar vangaveltur hafa verið í gangi um hvernig sóknarher Liverpool verður á næsta tímabili en Sadio Mane virðist vera á leið til Bayern München og framtíð Mo Salah er í óvissu.
Nunez getur spilað á vinstri vængnum og einnig sem fremsti maður en hann skoraði sex mörk í Meistaradeildinni á liðnu tímabili. Tvö af þeim komu gegn Liverpool í 8-liða úrslitum.
Sagt er að Julian Ward, íþróttastjóri Liverpool, hafi þegar rætt við Benfica og jafnframt er talið að Nunez hafi áhuga á á því að fara til Liverpool.
Miklar vangaveltur hafa verið í gangi um hvernig sóknarher Liverpool verður á næsta tímabili en Sadio Mane virðist vera á leið til Bayern München og framtíð Mo Salah er í óvissu.
Nunez getur spilað á vinstri vængnum og einnig sem fremsti maður en hann skoraði sex mörk í Meistaradeildinni á liðnu tímabili. Tvö af þeim komu gegn Liverpool í 8-liða úrslitum.
