„Újpest er stórt félag í Ungverjalandi með ríka sögu. Ég hlakka til að koma og sýna stuðningsmönnunum hvað ég get. Vonandi mun ég aðlagast fótboltanum fljótt og komast í byrjunarliðið. Ég er sóknarleikmaður þannig að ég mun gera mitt besta til að skora mörk," sagði Aron við heimasíðu félagsins.

Aron fer ekki til liðsins fyrr en 22. júlí, eftir Evrópuleiki hjá Breiðabliki gegn Vaduz frá Liechtenstein.

Újpest hafnaði í fimmta sæti ungversku úrvalsdeildarinnar á síðasta tímabili. Félagið hefur alls 20 sinnum orðið ungverskur meistari.

Aron er 23 ára gamall og er á sínu þriðja tímabili með Breiðabliki. Hann er uppalinn Þróttari en hefur einnig leikið með Fram og ÍBV. Hann hefur skorað fjögur mörk í Pepsi Max-deildinni í sumar.

Hér að neðan má sjá viðtal sem tekið var við hann í gær.