Stefán Logi Magnússon er klár í slaginn
Hrafnkell Helgi Helgason, formaður knattspyrnudeildar Fylkis, staðfesti nú rétt í þessu á Twitter frétt Fótbolta.net frá því fyrr í dag en Stefán Logi Magnússon er mættur í rammann hjá liðinu.
Stefán Loga þarf varla að kynna fyrir landsmönnum en þessi 38 ára gamli markvörður lék lengst af með KR. Hann var síðast á mála hjá Selfossi en er nú mættur aftur í Pepsi Max-deildina.
Fótbolti.net greindi frá því fyrri í dag að Stefán Logi væri á leið til félagsins en Aron Snær Friðriksson verður frá næstu vikurnar og á Stefán að leysa hann af.
Hrafnkell Helgi Helgason, formaður Fylkis, staðfesti félagaskiptin á Twitter. Þar grínaðist hann með það að Stefán kæmi til með að spila vængbakvörð og er alveg óhætt að segja að það yrði í meira lagi áhugavert.
Stefán hefur verið á mála hjá erlendum liðum á borð við Öster, Lilleström, Bayern München, Bradford City og Ull/Kisa.
Fylkir er í 6. sæti Pepsi Max-deildarinnar með 15 stig.
Bjóđum Stefàn Loga velkominn í @fylkirmfl. Svona hlutir leka út í .net áđur en viđ vitum sjálfir ađ því. Stefán tekur treyju nr.4 og er hugsađur sem vængbakvörđur. pic.twitter.com/jZIC2ZSfiG
— Hrafnkell Helgi Helgason (@HHelgason7) July 8, 2019
Athugasemdir
