Marcos Senesi er genginn í raðir Bournemouth en enska félagið kaupir leikmanninn frá Feyenoord í Hollandi.
Senesi er argentínskur landsliðsmaður og spilar sem miðvörður. Hann er 25 ára gamall og kemur frá Feyenoord eftir þrjú ár þar.
Hann skiptir til Bournemouth til að auka líkurnar á sæti í argentínska landsliðinu sem er á leiðinni á HM í Katar í vetur. Talið er að enska félagið greiði um 13 milljónir punda fyrir Senesi.
Senesi skrifar undir fjögurra ára samning við Bournemouth og er fimmti leikmaðurinn sem félagið fær í sumar. Liðið kom upp úr Championship deildinni í vor og vann sinn fyrsta leik í úrvalsdeildinni þegar liðið mætti Aston Villa í fyrstu umferð á laugardag.
Þetta er þriðji lykilmaðurinn sem Feyenoord selur frá félaginu í sumar en Luis Sinisterra gekk í raðir Leeds á meðan Tyrell Malacia samdi við Manchester United.
Komnir
Marcus Tavernier frá Middlesbrough - 10 milljónir punda
Joe Rothwell frá Blackburn - frítt
Marcos Senesi - 13 milljónir punda
Neto frá Barcelona - frítt
Ryan Fredericks frá West Ham - frítt
We've got our man 😍
— AFC Bournemouth 🍒 (@afcbournemouth) August 8, 2022
Welcome to #afcb, @senesimarcos ✍️ pic.twitter.com/lscY9XqL9K
Athugasemdir